Ավարտել է Լենինգրադի Ս.Մ.Բուդյոնու անվ. ռազմական ակադեմիան (1946): Տեխ.գ.դ. (1975), ակադ. (1977, թղթ. անդ.՝1971)

ՀՀ վարչապետի խորհրդական (2006-ից)

Ռուսաստանի, Վրաստանի և Պորտուգալիայի գիտությունների ակադեմիաների արտասահմանյան անդամ, Միջազգային ճարտարագիտական ակադեմիայի, «Արարատ» միջազգային ակադեմիայի, Հայաստանի փիլիսոփայության ակադեմիայի, Գիտության, կրթության, արդյունաբերության և արվեստի միջազգային ակադեմիայի պատվավոր անդամ, Միջազգային ինֆորմատիզացիայի ակադեմիայի, Ռազմական գիտությունների ակադեմիայի, «Գիտելիք» համազգային ակադեմիայի, «Էլիտ» միջազգային ակադեմիայի, Միջազգային բժշկատեխնիկական գիտությունների ակադեմիայի, Հայաստանի ճարտարագիտական ակադեմիայի, Ռուսաստանի բնական գիտությունների ակադեմիայի անդամ, Ազգային անվտանգության պրոբլեմների միջազգային ակադեմիայի նախագահության անդամ, մի շարք հասարակական ակադեմիաների անդամ:

ԽՍՀՄ կրկնակի և Ուկր.ՍՍՀ պետ. մրցանակների դափնեկիր: Պարգևատրվել է Լենինի, Հոկտեմբերյան Հեղափոխության, Աշխատանքային կարմիր դրոշի (3), Սուրբ Մեսրոպ Մաշտոցի շքանշաններով և բազմաթիվ մեդալներով:

Աշխատել է ԽՍՀՄ ՊՆ Հրետանային գիտատեխնիկական կոմիտեի հրթիռահրետանային գլխավոր վարչության տարբեր ղեկավար պաշտոններում (1946-1959), ԵրՄՄԳՀԻ-ի տնօրեն (1963-1977), ՀԽՍՀ Մինիստրների խորհրդի նախագահ (1977-1989), ՀՀ ԳԱԱ ֆիզիկատեխնիկական գիտությունների և մեխանիկայի բաժանմունքի ակադեմիկոս-քարտուղար (1989-1993), ՀՀ ԳԱԱ պրեզիդենտ (1993-2006):