«Երիտասարդ գիտնականների աջակցության ծրագիրը» հայտարարում է «Գիտական լիցենզավորված ծրագրային փաթեթների գնման» մրցույթ։ Մրցույթի նպատակներն են երիտասարդ գիտնականներին և հետազոտողներին հասանելիություն տրամադրել լիցենզավորված ծրագրային գործիքներին և նպաստել ՀՀ գիտական արդյունքի որակի բարձրացմանն ու միջազգայնացմանը։
ԵԳԱԾ-ը դրամաշնորհներ է տրամադրում գիտահետազոտական գործունեության համար լիցենզավորված ծրագրային փաթեթների և ռեֆերենտ տեղեկատվական շտեմարանների ձեռքբերման, առկա ծրագրային փաթեթների և շտեմարանների թարմացման համար։
![](https://www.sci.am/images/2021/240730_135818_b_20240730_body.jpg)
Մրցույթն իրականացվում է գիտական և գիտատեխնիկական գործունեության բոլոր բնագավառներով ու մասնագիտություններով: Ֆինանսական աջակցության առավելագույն չափը կազմում է 3.000.000 (երեք միլիոն) ՀՀ դրամ։
Մրցույթի հայտատուն պետք է հանդիսանա ՀՀ քաղաքացի կամ առնվազն մեկ տարի ՀՀ-ում գիտահետազոտական աշխատանք կատարող երիտասարդ գիտնական, առկա/հեռակա ուսուցման ասպիրանտ կամ կրտսեր գիտաշխատող։
Մրցույթի վերջնաժամկետն է 2024 թվականի օգոստոսի 30-ը։
Մրցույթի մանրամասները՝ այստեղ, իսկ հայտը՝ այստեղ։
ՀՀ ԳԱԱ գիտության հանրայնացման և հասարակայնության հետ կապերի բաժին
30.07.2024թ.