ՀՀ գիտությունների ազգային ակադեմիա
ՀԱՅ  ENG  РУС
Home academy [@] sci.am Facebook Page
Գլխավոր էջ Ակադեմիայի մասին Բաժանմունքներ Կազմակերպություններ Անդամներ Կապ մեզ հետ
Անի Ապրահամյան
Ֆ.-մ.գ.դ., պրոֆեսոր
Կառուցվածք
Նախագահության անդամներ
Փաստաթղթեր
Ինովացիոն առաջարկներ
Հրատարակություններ
Հիմնադրամներ
Գիտաժողովներ
Մրցույթներ
Միջազգային համագործակցություն
Երիտասարդական ծրագրեր
Լուսանկարներ
Տեսադարան
Վեբ ռեսուրսներ
Այլ ակադեմիաներ
«Գիտություն» թերթ
«Գիտության աշխարհում» հանդես
Հրապարակումներ մամուլում
Ազդեր
Հոբելյաններ
Համալսարաններ
Նորություններ
Գիտական արդյունքներ
Սփյուռքի բաժինը ներկայացնում է
Երիտասարդ գիտնականի ամբիոն
Մեր երախտավորները
Հայտարարություններ
Կայքի քարտեզ
COVID-19
Նորություններ
14/04/2022
ՀՀ Գիտությունների ազգային ակադեմիան և Ռուսաստանի Դաշնության Դուբնայի Միջուկային հետազոտությունների միացյալ ինստիտուտն ընդլայնում են համագործակցությունը

Սույն թվականի ապրիլի 14-ին ՀՀ Գիտությունների ազգային ակադեմիայում տեղի ունեցավ ընդլայնված նիստ Ռուսաստանի Դաշնության Դուբնայի Միջուկային հետազոտությունների միացյալ ինստիտուտի պատվիրակության հետ՝ նվիրված գիտական համագործակցության խորացմանը:

ՄՀՄԻ-ի պատվիրակությունը ղեկավարում է ինստիտուտի տնօրեն, ակադեմիկոս Գրիգորի Տրուբնիկովը: Պատվիրակության կազմում են համաշխարհային ճանաչում ունեցող գիտնական, ֆիզիկոս, Ռուսաստանի Գիտությունների ակադեմիայի ակադեմիկոս, ՄՀՄԻ-ի Միջուկային ռեակցիաների լաբորատորիայի գիտական ղեկավար, Մենդելեևի անվան ՅՈԻՆԵՍԿՕ-Ռուսաստան միջազգային մրցանակի դափնեկիր, ՀՀ ԳԱԱ արտասահմանյան անդամ Յուրի Հովհաննիսյանը, ՄՀՄԻ-ի տնօրենի խորհրդականներ Սամվել Հարությունյանը և Միխայիլ Իտկիսը, ՄՀՄԻ-ի գիտական ղեկավար Վիկտոր Մատվեևը, ՄՀՄԻ-ի գլխավոր գիտական քարտուղար Սերգեյ Նեդելկոն, ՄՀՄԻ-ի կրթական և գիտական կենտրոնի փոխտնօրեն Ալեքսանդր Վերխեևը, ՄՀՄԻ-ի Տեղեկատվական տեխնոլոգիաների լաբորատորիայի տնօրեն Վլադիմիր Կորենկովը, ՄՀՄԻ Միջազգային համագործակցության դեպարտամենտի ղեկավար Դմիտրի Կամանինը, ՄՀՄԻ-ի Միջուկային հիմնախնդիրների լաբորատորիայի ավագ գիտաշխատող Հրաչիկ Թորոսյանը:

Ողջունելով մասնակիցներին՝ ՀՀ ԳԱԱ նախագահ, ակադեմիկոս Աշոտ Սաղյանն ասաց. «Ուրախ ենք ձեզ այստեղ ընդունելու և քննարկելու համագործակցության հարցերը: Ներկայում մենք ապրում ենք դժվարին ժամանակներ: Մարդկության առջև ծառացած մարտահրավերներին դիմակայելու համար անհրաժեշտ է միավորել ուժերը, զարգացնել և ընդլայնել միջազգային համագործակցությունը գիտական կենտրոնների և տարբեր երկրների առանձին գիտական խմբերի միջև: Այսօր պետք է անել ամեն ինչ՝ համագործակցությունը պահպանելու և զարգացնելու համար»:

Նշելով ՄՀՄԻ-ի դերակատարությունը և համաշխարհային նշանակությունը  գիտության ոլորտում՝ ակադեմիկոս Սաղյանը հիշեցրեց մեր հայրենակից, անվանի գիտնական Ալեքսեյ Սիսակյանի մասին, ով եղել է ՄՀՄԻ-ի տնօրենը և մեծ ներդրում է ունեցել ինստիտուտի զարգացման գործում: «Իսկ այժմ մենք հպարտանում ենք մեր մեկ այլ հայրենակից, նշանավոր գիտնական Յուրի Հովհաննիսյանով», - ասաց Աշոտ Սաղյանը:

ՄՀՄԻ-ի տնօրեն, Ռուսաստանի Գիտությունների ակադեմիայի ակադեմիկոս Գրիգորի Տրուբնիկովն իր ողջույնի խոսքում նշեց. «Միջուկային հետազոտությունների միացյալ ինստիտուտն ունի 19 մասնակից երկիր, և Դուբնայում հպարտ ծածանվում է նաև Հայաստանի դրոշը՝ որպես լիիրավ մասնակից երկրի: ՄՀՄԻ-ն ունի մեծ գործընկերային ցանց, որում միավորված է աշխարհի 70 երկրից շուրջ 1000 կազմակերպություն: Չնայած աշխարհաքաղաքական բարդ իրավիճակին՝ Դուբնան ակտիվ զարգանում է: Միջազգային գիտության առաքելությունն է իր օրինակով ցույց տալ, որ գիտությունը միավորում է ազգերին»:

Ակադեմիկոս Տրուբնիկովն ընդգծեց, որ այցի նպատակն է ակտիվացնել համագործակցությունը Հայաստանի գիտական կենտրոնների հետ, քննարկել հեռանկարները:

Մասնակիցներին ողջունեց ՀՀ Գիտության կոմիտեի նախագահ Սարգիս Հայոցյանը: «Գիտության ոլորտում պետական քաղաքականության կարևոր բաղադրիչներից մեկը միջազգային ծրագրերում մասնակցության ծավալի և որակի ավելացումն է: Այս առումով Հայաստանի համար կարևոր է Միջուկային հետազոտությունների միացյալ ինստիտուտի հետ համագործակցության զարգացումը», - ասաց նա:

ՀՀ ԳԱԱ ընդլայնված նիստի ժամանակ նշվեց Յուրի Հովհաննիսյանի 89-ամյակը: ՀՀ ԳԱԱ նախագահ, ակադեմիկոս Աշոտ Սաղյանը շնորհավորեց հայտնի գիտնականին և ասաց, որ նրա ղեկավարությամբ Միջուկային հետազոտությունների միացյալ ինստիտուտում հայտնաբերվել են Մենդելեևի աղյուսակի նոր տարրեր՝ 113-118

հաջորդական համարներով: Ակադեմիկոս Յուրի Հովհաննիսյանի պատվին է կոչվել քիմիական տարրերի պարբերական համակարգի 118-րդ քիմիական տարրը՝ Օգանեսոն։

Հայտնի գիտնականին շնորհավորեցին գործընկերները՝ կարևորելով նրա մեծ ներդրումը համաշխարհային գիտության զարգացման գործում: Հայ-Ռուսական համալսարանի ռեկտոր Արմեն Դարբինյանը Յուրի Հովհաննիսյանին հանձնեց Պատվո շքանշան, իսկ «ՔԵՆԴԼ» սինքրոտրոնային հետազոտության ինստիտուտի տնօրեն Բագրատ Գրիգորյանը Յուրի Հովհաննիսյանին հանձնեց նվեր շքանշան:

ՀՀ ԳԱԱ գիտության հանրայնացման և հասարակայնության հետ կապերի բաժին
14.04.2022թ.

Լուսանկարներ

Ազդեր








Օգոստոսի 29-30-ը ԳԱԱ կլոր դահլիճում տեղի կունենա «Պատմամշակութային ժառանգության հիմնախնդիրները հետխորհրդային շրջանում» թեմայով միջազգային գիտաժողով

Ս.թ. սեպտեմբերի 9-13-ը ՀՀ ԳԱԱ Վ.Համբարձումյանի անվ. Բյուրականի աստղադիտարանը անց է կացնում 9-րդ բյուրականյան միջազգային ամառային դպրոցը պատանի աստղագետների համար (9BISS)

Ս.թ. սեպտեմբերի 9-13-ը ՀՀ ԳԱԱ ֆիզիկական հետազոտությունների ինստիտուտը ՀՀ ԳԱԱ-ում անց է կացնում XVI միջազգային սիմպոզիումը ինքնատարածվող բարձրջերմաստիճանային սինթեզի վերաբերյալ

Ս.թ. սեպեմբերի 16-17-ը ՀՀ ԳԱԱ Մ. Աբեղյանի անվան գրականության ինստիտուտը և ՌԴ ԳԱ Մ. Գորկու անվան համաշխարհային գրականության ինստիտուտը համատեղ կազմակերպում են միջազգային գիտաժողով՝ նվիրված Վ.Յ.Բրյուսովի մահվան 100-րդ տարելիցին

Ս.թ. սեպտեմբերի 16-20-ը ՀՀ ԳԱԱ Վ.Համբարձումյանի անվ. Բյուրականի աստղադիտարանը անց է կացնում Հարավարևմտյան և Կենտրոնական Ասիայի (ՀԱԿԱ) 4-րդ տարածաշրջանային աստղագիտական աշխատաժողովը (4RAW)

Ս.թ. սեպտեմբերի 20-22-ը ՀՀ ԳԱԱ ռադիոֆիզիկայի և էլեկտրոնիկայի ինստիտուտը ՀՀ ԳԱԱ-ում անց է կացնում «ԳԲՀ և ՏՀՑ տեխնոլոգիաներ, անլար հաղորդակցություն և օպտոէլեկտրոնիկա» միջազգային գիտաժողովը

2024թ․ հոկտեմբերի 11-13-ը ՀՀ ԳԱԱ-ում տեղի կունենա «Բնագիտությունը, մաթեմատիկան, տեխնիկան, ինֆորմատիկան XXI դարում. hանրամատչելիացման և ուսուցման հիմնախնդիրներ ու լուծումներ» խորագրով համահայկական կրթական գիտաժողով

Ս.թ. հոկտեմբերի 15-19-ը հրավիրում ենք մասնակցելու Երևանում (Հայաստան) կայանալիք «Օպտիկան և նրա կիրառությունները» 12-րդ միջազգային սիմպոզիումին (12th Symposium on "Optics & its Applications (OPTICS12)): Գրանցման վերջնաժամկետն է ս․թ․ օգոստոսի 15-ը

2024թ. նոյեմբերի 6-7-ը ՀՀ ԳԱԱ Հ. Աճառյանի անվան լեզվի ինստիտուտը կազմակերպում է միջազգային առցանց գիտաժողով՝ «Բարբառային լեզվի ուսումնասիրությունը ԱՊՀ երկրներում» խորագրով

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Հրապարակումներ մամուլում
26/08/2024

Կառավարությունը հաստատել է բուհերին և գիտական կազմակերպություններին նվիրաբերվող սարքերի բաշխման ցանկը
hesc.am
26/08/2024

«Քո ձայնը»
armradio.am
23/08/2024

Գերբարձր ջերմաստիճանային կոմպլեքս բորիդներ. նյութերի նոր դաս
1lurer.am
22/08/2024

Բարձրագույն ուսումնական հաստատություններին և գիտական կազմակերպություններին սարքեր կնվիրաբերվեն
1lurer.am
Կայքը հաճախել են
7 077 422

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  18:46, 30/08/2024 Դեպի վեր
Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - Կառուցվածք - Նախագահության անդամներ
Փաստաթղթեր - Ինովացիոն առաջարկներ - Հրատարակություններ - Հիմնադրամներ - Գիտաժողովներ - Մրցույթներ - Միջազգային համագործակցություն
Երիտասարդական ծրագրեր - Լուսանկարներ - Տեսադարան - Վեբ ռեսուրսներ - Այլ ակադեմիաներ - «Գիտություն» թերթ - «Գիտության աշխարհում» հանդես
Հրապարակումներ մամուլում - Ազդեր - Հոբելյաններ - Համալսարաններ - Նորություններ - Գիտական արդյունքներ - Սփյուռքի բաժինը ներկայացնում է
Երիտասարդ գիտնականի ամբիոն - Մեր երախտավորները - Հայտարարություններ - Կայքի քարտեզ - COVID-19
© Copyright 1998-2024 Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: