ՀՀ գիտությունների ազգային ակադեմիա
ՀԱՅ  ENG  РУС
Home academy [@] sci.am Facebook Page
Գլխավոր էջ Ակադեմիայի մասին Բաժանմունքներ Կազմակերպություններ Անդամներ Կապ մեզ հետ
Անահիտ Տոնապետյան
բանասիրական գիտությունների դոկտոր
COVID-19
Կառուցվածք
Նախագահության անդամներ
Փաստաթղթեր
Ինովացիոն առաջարկներ
Հրատարակություններ
Հիմնադրամներ
Գիտաժողովներ
Մրցույթներ
Լուսանկարներ
Տեսադարան
Վեբ ռեսուրսներ
Այլ ակադեմիաներ
«Գիտություն» թերթ
«Գիտության աշխարհում» հանդես
Հրապարակումներ մամուլում
Ազդեր
Հոբելյաններ
Համալսարաններ
Նորություններ
Գիտական արդյունքներ
Սփյուռքի բաժինը ներկայացնում է
Երիտասարդ գիտնականի ամբիոն
Մեր երախտավորները
Հայտարարություններ
Լինդաու քաղաքում Նոբելյան մրցանակի դափնեկրի հետ հանդիպում
Կայքի քարտեզ
Նորություններ
02/06/2023
Հայաստանի գիտնականները Հայ օգնության ֆոնդի կողմից ստացան 22 դրամաշնորհ

Սույն թվականի հունիսի 1-ին ՀՀ Գիտությունների ազգային ակադեմիայում տեղի ունեցավ Հայ օգնության ֆոնդի հովանու ներքո գործող Երվանդ Թերզյանի անվան գիտության և կրթության հայկական ազգային հիմնադրամի (ANSEF) դրամաշնորհների հանձնման հանդիսավոր արարողությունը։ 125 գիտական հայտերից ANSEF-ի հետազոտական խորհուրդն ընտրել է 22-ը: Գիտական խմբերում ընդգրկված գիտնականների ընդհանուր թիվը 70-ն է։ Յուրաքանչյուր դրամաշնորհի գումարը կազմում է 5000 ԱՄՆ դոլար։ Դրամաշնորհները նախատեսված են կենսաբանության, կենսատեխնոլոգիայի, քիմիայի, ֆիզիկայի, աստղագիտության, գյուղատնտեսության, հնագիտության, պատմության, բժշկության և այլ ոլորտներում գիտական հետազոտություններ իրականացնելու համար: 

Դրամաշնորհառուներին շնորհավորեց ՀՀ ԳԱԱ նախագահ, ակադեմիկոս Աշոտ Սաղյանը և շնորհակալություն հայտնեց ANSEF-ին գիտնականներին աջակցելու համար։ «Անցած 30 տարիների ընթացքում մեր ամենամեծ խնդիրներից է եղել երիտասարդ գիտնականներին գիտության մեջ պահելը։ Ես հիշում եմ՝ ինչքան էին ուրախանում

երիտասարդները, երբ ստանում էին ANSEF-ի դրամաշնորհային ծրագրերը։ Այդ առաքելությունը պետք է շարունակել նաև այսօր։ Ես մաղթում եմ բոլորիդ՝ կանգ չառնեք, առաջ գնաք, մնաք գիտության մեջ և ասեք ձեր խոսքը», - ասաց Աշոտ Սաղյանը։

Հայ օգնության ֆոնդի փոխտնօրեն, ANSEF-ի կրթական ծրագրերի ղեկավար Էդուարդ Կարապետյանը նշեց, որ անցած 23 տարիների ընթացքում ներկայացվել են 3292 դիմում-առաջարկներ: Դրամաշնորհներ են ստացել 589 գիտական խմբեր, որոնցում ընդգրկված են եղել 2170 գիտնականներ: Ծրագրի դրամաշնորհային ընդհանուր գումարը կազմել է շուրջ 3 միլիոն դրամ։«Տարիներ շարունակ ANSEF-ը փորձել է անել հնարավորը գիտությունը Հայաստանում առաջ մղելու համար։ Կարծում եմ՝ մեզ դա հաջողվել է։ Շնորհավորում եմ բոլորիդ և շնորհակալություն հայտնում, որ դուք զբաղվում եք ձեր սիրելի գործով և առաջ մղում գիտությունը և նորարարական միտքը», - ասաց Էդուարդ Կարապետյանը։

«ANSEF-ը, նախևառաջ, մշակութաստեղծ երևույթ է։ 21-րդ դարում, երբ ազգերի մրցակցությունն առավելապես անցել է գիտատեխնոլոգիական ոլորտ, անհրաժեշտություն կա փոխվելու։ Այս առումով պրոֆեսոր Թերզյանի նախաձեռնությունը բացառիկ էր։ Այն առաջին անգամ առաջ էր մղում Սփյուռքի շրջանակներում գիտատեխնոլոգիական զարգացմանն ուղղված, հայաստանակենտրոն և նմանատիպ գործունեության կարևորությունը։ Այսօր դուք եք առաջամարտիկները, դուք եք ապագան։ Եղեք ակտիվ, եղեք մշակութաստեղծ գործունեության մասնակից։ Շնորհավորում եմ ձեզ և մաղթում կանաչ ճանապարհ», - ասաց ՀՀ ԳԱԱ ակադեմիկոս-քարտուղար Արթուր Իշխանյանը։

ANSEF-ի կրթական ծրագրերի ղեկավար Էդուարդ Կարապետյանը դրամաշնորհների հավաստագրեր հանձնեց ՀՀ ԳԱԱ ֆիզիոլոգիայի ինստիտուտից Լիլիթ Դարբինյանին, Զարուհի Կարաբեկյանին, ՀՀ ԳԱԱ Հայկենսատեխնոլոգիա գիտաարտադրական կենտրոնից Աննա Զաքոյանին, Լուսինե Դանիելյանին, Անի Պալոյանին, ՀՀ ԳԱԱ Արմեն Թախտաջյանի անվան բուսաբանության ինստիտուտից Մերինե Սարգսյանին, ՀՀ ԳԱԱ Երկրաբանական գիտությունների ինստիտուտից Վահրամ Սերոբյանին, ՀՀ ԳԱԱ Հրաչյա Բունիաթյանի անվան կենսաքիմիայի

ինստիտուտից Նարինե Խաչատրյանին, Ալիխանյանի անվան ազգային գիտական լաբորատորիայից Սերգեյ Ամիրխանյանին, Տիգրան Քոթանջյանին, Մարինե Սամսոնյանին, Երևանի պետական համալսարանից Անուշ Ասատրյանին, Աստղիկ Ղազարյանին, Լևոն Հարությունյանին, Արմինե Քոսյանին, Վադիմ Օհանյանին, Հովիկ Փանոսյանին, Արամ Սահարյանին, Հայաստանի ֆիզիկական կուլտուրայի և սպորտի պետական ինստիտուտից Տիգրան Պետրոսյանին, Հայաստանի ամերիկյան համալսարանից Քնար Խաչատրյանին, Հայ-Ռուսական համալսարանից Գրիգոր Մանթաշյանին։ 

ՀՀ կրթության, գիտության, մշակույթի և սպորտի նախարարության գիտության կոմիտեի և «Երիտասարդ գիտնականների աջակցության ծրագրի» (ԵԳԱԾ) շնորհիվ դրամաշնորհ ստացավ Հայոց ցեղասպանության թանգարան-ինստիտուտ հիմնադրամի գիտաշխատող Նաիրա Սահակյանը։ 

ՀՀ ԳԱԱ գիտության հանրայնացման և հասարակայնության հետ կապերի բաժին
02․06.2023թ.


Ազդեր








Ս.թ. հոկտեմբերի 15-19-ը հրավիրում ենք մասնակցելու Երևանում (Հայաստան) կայանալիք «Օպտիկան և նրա կիրառությունները» 12-րդ միջազգային սիմպոզիումին (12th Symposium on "Optics & its Applications (OPTICS12)): Գրանցման վերջնաժամկետն է ս․թ․ օգոստոսի 15-ը

2024թ․ հոկտեմբերի 11-13-ը ՀՀ ԳԱԱ-ում տեղի կունենա «Բնագիտությունը, մաթեմատիկան, տեխնիկան, ինֆորմատիկան XXI դարում. hանրամատչելիացման և ուսուցման հիմնախնդիրներ ու լուծումներ» խորագրով համահայկական կրթական գիտաժողով

Օգոստոսի 29-30-ը ԳԱԱ կլոր դահլիճում տեղի կունենա «Պատմամշակութային ժառանգության հիմնախնդիրները հետխորհրդային շրջանում» թեմայով միջազգային գիտաժողով

Հուլիսի 12-ին՝ ժամը 12․00-ին ՀՀ ԳԱԱ նախագահության կլոր դահլիճում (ք․ Երևան, Մ․ Բաղրամյան պող․, 24) տեղի կունենա աշխարհագրագետ, քարտեզագետ-քարտեզաբան Ռուբեն Գալչյանի «Ադրբեջանի 2014թ․ ազգային ատլասի «պատմական» քարտեզների քննություն և «Արևմտյան Ադրբեջան» հորինված եզրույթը» երկլեզու գրքի շնորհանդեսը

Международный инновационный центр нанотехнологий СНГ (МИЦНТ СНГ) при поддержке Межгосударственного фонда гуманитарного сотрудничества государств - участников СНГ (МФГС) и Объединенного института ядерных исследований объявляет о проведении конкурса на соискание грантов на разработку проектов в рамках деятельности МИЦНТ СНГ в 2024 году и очередной Стажировки молодых ученых и специалистов стран СНГ в Дубне в апреле - мае 2024года

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Հրապարակումներ մամուլում
11/07/2024

Քոչվորներից մինչև ֆերմերներ. նեոլիթյան հերթափոխը. Մաքուր պատմություն
lratvakan.am
07/07/2024

Էկոլոգիական ֆիզիոլոգիայի նորաբաց լաբորատորիա՝ պետական աջակցությամբ
1lurer.am
05/07/2024

«Խոշոր պլան». Մագիստրոսական նոր ծրագիր կենսաբազմազանության թեմայով
imradio.armradio.am
02/07/2024

Մասնագիտացված գեոպարկի ստեղծման առաջարկ՝ ՀՀ-ում
1lurer.am
Կայքը հաճախել են
7 034 103

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  17:35, 15/07/2024 Դեպի վեր
Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - Կառուցվածք - COVID-19
Նախագահության անդամներ - Փաստաթղթեր - Ինովացիոն առաջարկներ - Հրատարակություններ - Հիմնադրամներ - Գիտաժողովներ - Մրցույթներ
Լուսանկարներ - Տեսադարան - Վեբ ռեսուրսներ - Այլ ակադեմիաներ - «Գիտություն» թերթ - «Գիտության աշխարհում» հանդես - Հրապարակումներ մամուլում
Ազդեր - Հոբելյաններ - Համալսարաններ - Նորություններ - Գիտական արդյունքներ - Սփյուռքի բաժինը ներկայացնում է - Երիտասարդ գիտնականի ամբիոն
Մեր երախտավորները - Հայտարարություններ - Լինդաու քաղաքում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2024 Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: