Սույն թվականի հոկտեմբերի 18-ին ՀՀ ԳԱԱ նախագահության նիստում անցկացվեցին «ՀՀ ԳԱԱ տեղեկագիր. Մեխանիկա», «ՀՀ ԳԱԱ տեղեկագիր. Երկրի մասին գիտություններ», «Աստղաֆիզիկա»  ամսագրերի, ՀՀ ԳԱԱ «Լրաբեր հասարակական գիտությունների» պարբերականի, ՀՀ ԳԱԱ «Հիմնարար հայագիտություն» էլեկտրոնային պարբերականի գլխավոր խմբագիրների ընտրությունները:
   «ՀՀ ԳԱԱ տեղեկագիր. Մեխանիկա» ամսագրի գլխավոր խմբագրի պաշտոնում ընտրվեց ՀՀ ԳԱԱ Մեխանիկայի ինստիտուտի տնօրեն ֆիզիկամաթեմատիկական  գիտությունների դոկտոր, պրոֆեսոր Վահրամ Հակոբյանը:

   «ՀՀ ԳԱԱ տեղեկագիր. Երկրի մասին գիտություններ» ամսագրի գլխավոր խմբագրի պաշտոնում ընտրվեց ՀՀ ԳԱԱ թղթակից անդամ Ռաֆիկ Մելքոնյանը:

   «Աստղաֆիզիկա»  ամսագրի գլխավոր խմբագրի պաշտոնում ընտրվեց ֆիզիկամաթեմատիկական գիտությունների դոկտոր, պրոֆեսոր Արթուր Նիկողոսյանը:

   ՀՀ ԳԱԱ «Լրաբեր հասարակական գիտությունների» պարբերականի գլխավոր խմբագրի պաշտոնում ընտրվեց ՀՀ ԳԱԱ Հնագիտության և ազգագրության ինստիտուտի տնօրեն ՀՀ ԳԱԱ թղթակից անդամ Պավել Ավետիսյանը:

   ՀՀ ԳԱԱ «Հիմնարար հայագիտություն» էլեկտրոնային պարբերականի գլխավոր խմբագրի պաշտոնում ընտրվեց պատմական գիտությունների դոկտոր Արամ Քոսյանը:

   ՀՀ ԳԱԱ Տեղեկատվական-վերլուծական ծառայություն
   18.10.2017թ.