«Երիտասարդ գիտնականների աջակցության ծրագիր»-ը հայտարարում է մրցույթ Հայոց Ցեղասպանության վերաբերյալ միջազգային գիտական պարբերականներում հոդվածներ տպագրելու համար: Հոդվածները պետք է տպագրված լինեն ըստ «Institute for Scientific Information (ISI JCR)»-ի տվյալների ազդեցության գործակից (ԱԳ) ունեցող ամսագրերում կամ ընդգրկված լինեն «Science Citation Index Expanded (SCIE)», «Social Sciences Citation Index (SSCI)», «Emerging Sources Citation Index (ESCI)», «Arts&Humanities Citation Index (AHCI)», «Scopus» միջազգային գիտատեղեկատվական շտեմարաններում։

Մեկ հոդվածի համար տրվող ֆինանսավորման չափը կազմում է 500.000 ՀՀ դրամ։ Մրցույթին ներկայացվող գիտական հոդվածը պետք է տպագրված և հասանելի լինի առցանց կամ տպագիր տարբերակով՝ 2021 թվականի հոկտեմբերի 21-ից մինչև 2022 թվականի նոյեմբերի 20-ը ներառյալ ժամանակահատվածում: Մրցույթին դիմելու վերջնաժամկետը նոյեմբերի 20-ն է:

Յուրաքանչյուր հայտատու մրցույթին կարող է ներկայացնել առավելագույնը երկու գիտական հոդված։ Հայտատուի կազմակերպությունը պետք է գրանցված լինի Հայաստանի Հանրապետությունում և նշված լինի տպագրված հոդվածում որպես հեղինակի պատկանելության վայր։

Հայտերի գնահատումն իրականացնելու է «Երիտասարդ գիտնականների աջակցության ծրագրի» հանձնաժողովը։
 
Մրցույթի մանրամասները՝ այստեղ https://drive.google.com/file/d/1fuaYNZKWSIuf9MlSDe0eABVACH6Zqc_0/view?fbclid=IwAR3PFC1iSq3KGK-dnWGf5N3joQ0qKC_DhsyDQ8_x9LkUXZJaltjdfYlQLOs, իսկ մրցույթի հայտը՝ այստեղ  https://docs.google.com/forms/d/e/1FAIpQLSendrRwtBxrGP6QgCxh0CB4UzIt2DHIWF62XRsdL28dDlotbg
/viewform:

ՀՀ ԳԱԱ գիտության հանրայնացման և հասարակայնության հետ կապերի բաժին
24.06.2022թ.