ՀՀ Գիտությունների ազգային ակադեմիան և Ռուսաստանի հայերի միությունը երիտասարդ գիտնականների համար (մինչև 45 տարեկան) հայտարարում են «Լավագույն գիտական աշխատանք» մրցույթը։

Մրցույթով սահմանվել են 1-ին և 2-րդ կարգերի մրցանակներ՝ 4 անվանակարգերում

• ֆիզիկամաթեմատիկական և տեխնիկական գիտություններ 
• քիմիա և Երկրի մասին գիտություններ
• կյանքի մասին գիտություններ
• հայագիտություն և հասարակական գիտություններ:

Մրցանակային ընդհանուր ֆոնդը 8 միլիոն դրամ է: Մրցանակակիրները կպարգևատրվեն դրամական պարգևներով և կարժանանան ՀՀ Գիտությունների ազգային ակադեմիայի և Ռուսաստանի հայերի միության պատվավոր դիպլոմների: 

Մրցույթին պետք է ներկայացվեն միայն 2021-2023 թվականներին հրապարակված գիտական հոդվածներ, հոդվածների շարք, մենագրություններ կամ արտոնագրված աշխատանքներ: 

Փաստաթղթերի էլեկտրոնային տարբերակները հարկավոր է ուղարկել sciorgdep@sci.am էլեկտրոնային հասցեին։ Փաստաթղթերի բնօրինակները ստորագրված և կնքված հարկավոր է  ներկայացնել ՀՀ ԳԱԱ նախագահության գիտակազմակերպական բաժին (Երևան, 0019, Մարշալ Բաղրամյան պող. 24): 

Փաստաթղթերի ներկայացման վերջնաժամկետն օգոստոսի 31-ն է։ 

Մրցույթին մասնակցելու պայմանները՝ այստեղ, իսկ դիմում-հայտը՝ այստեղ։ 

ՀՀ ԳԱԱ գիտության հանրայնացման և հասարակայնության հետ կապերի բաժին
15․06․2023թ․