Սույն թվականի ապրիլի 1-ին՝ տեղական ժամանակով 13:56:16-ին (UTC 09:56:16)՝ հայ-վրացական սահմանային գոտում, արձանագրվել է M=4.0 մագնիտուդ ուժգնությամբ, օջախի 10 կմ խորությամբ երկրաշարժ: Սեյսմիկ իրադարձության էպիկենտրոնի աշխարհագրական կոորդինատներն են՝ հյուսիսային լայնության՝ φ=41.1460 N, արևելյան երկայնության՝ λ=43.9610 E: Երկրաշարժի էպիկենտրոնը գտնվում է ՀՀ Շիրակի մարզի Աշոցք շրջանի Սարագյուղ բնակավայրից 3կմ հյուսիս-արևելք: Երկրաշարժի ինտենսիվությունն էպիկենտրոնային գոտում գնահատվել է 5-6 բալ:


Երկրաշարժն արձանագրվել է ՀՀ ԳԱԱ Ա. Նազարովի անվան երկրաֆիզիկայի և ինժեներային սեյսմաբանության ինստիտուտի սեյսմաերկրադինամիկ ցանցի կողմից։

ՀՀ ԳԱԱ գիտության հանրայնացման և հասարակայնության հետ կապերի բաժին
01.04.2025թ.